இணையத்தில் காதல்

• கணிப்"பொறி"க்குள்

  நீ வைத்த தேங்காய்காய் துண்டுதான்

  உன் மின்னஞ்சல்….

  விரும்பி நுழையும் எலியாய் நான்..!

• "மயிலே"

  என்றழைக்கலாம் என்றால் பார்த்ததில்லை…..

  "குயிலே"

  என்றழைக்கலாம் என்றால் பேசியதுமில்லை….

  பின்பு எப்படித்தான் அழைப்பது....?

  "மெயிலே"

  என்றழைத்தால் கோபிக்க மாட்டாயே….?

• அன்புக்கும் காமத்திற்கும் இடைப்பட்ட புள்ளியில்தான்

  பூக்கிறது காதல் என்றார் வைரமுத்து….

  அடடா….

  அவருக்குத் தெரியாமல் போய் விட்டதே...!

  உன் கணிணிக்கும்

  என் கணிணிக்கும்

  இடையில் கூட அது பூக்கலாம் என்று...!

• என் கெஞ்சல்

  என் கொஞ்சல்

  எல்லாமே

  மின்னஞ்சலோடு முடிந்து விடுமோ....?

• அன்பிற்கும் உண்டோ அடைக்கும் தாழ்..?

  உண்டே...!

  என் GMAIL PASSWORD...!!

• எல்லா மின்னஞ்சல்களிலும்

  ATTACHMENT இருப்பதில்லை….

  ஆனால் என் எல்லா மின்னஞ்சல்களிலும்

  ஒரு "ATTACHMENT" இருப்பதை கவனித்தாயா..?

• உரையாடல் அறையில் உரையாடல்..!

  எப்போது

  அறையில் உரையாடல்..?

• பத்து விரல்களும்

  பித்து பிடித்தது போல் ஆகி விட்டன…

  சீக்கரம் வா...

  பேச வேண்டும்…!

• மனதிலிருக்கும் வார்த்தைகள்

  எப்படியோ வழிதேடி

  விரல் நுனிவரை

  வந்து விடுகின்றன….

• என் விரல்களுக்கு மட்டும்

  நீ முதலில் பரிச்சயமாகி விட்டாயென்று

  என் விழிகள்

  என்னோடு சண்டையிடுகின்றன….

  அவற்றிற்கும் ஒரு வாய்ப்பு கொடேன்..

• வலையில் இருக்கிறேன்….

  பிறகு பேசலாம் என்றேன்..!

  நண்பன் கேட்டான்

  யார் வலையில்?

• வலைக்குள் நீ வந்தாலே

  எளிதாய் அறிகிறேன்….

  என் அறைக்குள் குளிர் அதிகமாகிறதே...!

• நீ விடைபெறும் ஒவ்வொரு முறையும்

  மரத்தின் கிளையில்

  கடைசி இழையில்

  தொங்கும் இலையின் நிலையில் நான்..!!

• உன் விரல்களின்

  விசாரிப்பு போதும்…

  விழிகளால் எப்போது?

• மின்னஞ்சல்

  என்ற பெயர் சரிதான்..

  உன் அஞ்சல் படிக்கும்போதே

  மின்சாரம் பாய்கிறதே..!

• பேராசைதான் ஒப்புக்கொள்கிறேன்….

  வருகிற மின்னஞ்சல் எல்லாம்

  உன்அஞ்சலாக இருக்கக்கூடாதா..?